Tuesday, March 4, 2008

مووش عارف ايه العنوان؟؟

ما بين بعدك و شوقي اليك
وبين قربي و خوفي عليك
تغيب عني و ليلي يطول
وفكري بهواك مشغول
دليلي معاك احتار
لا انا فالجنه ولا في النار
حبيبي..
كل منايا اعيش بين ايديك
واشوف الحب فنظره عينيك
لكن دموع قلبي هانت عليك
وانا مشتاق لنظره من عينيك
عايش وحدك ولا سائل فيا
ولا حتي شايف دمعة عينيا
يا ترى قلبك مش حاسس بيا?
ولا انت بتتقل عليا?
حبيبي..
رد عليا متسبنيش في نار
انا مش قادر علي جحيم الانتظار
انا تايه في بحورك وحبك هو الفنار
دى حاجه من كتاباتى كنت كاتبها زماااان اوى.. انا معرفش اذا كانت حلوه ولا وحشه وحاسس ان اسلوبها ضعيف.. بس عموما قلت احطها عشان من بنات افكارى.. وانا فعلا معرفش احطلها ايه عنوان

8 قولى رايك فى الحوار ده..:

ftafeet said...

حلوه بجد ياعمور عجبتنى
تسلم ايدك يواد

amraction said...

كلك زوق يا قمر.. انا مبسوط انها عجبتك

Ali Korkor said...

هي البنية التحتية للقصيدة متصدعة شوية
و استراتيجية القوافي كانت مكشوفة للخصوم
و الآلية العامة للوزن باتت مهلكة

بس الشعر تفوق على الظروف دي و لمس احساسي لدرجة تمنيت معاها اني انا اكون المزة اللي بيتقالها الشعر ده

بيس يا مان

amraction said...

شكرا يا سيد على على تعليقك الحربى ده.. انا قلت انى حاسس ان الاسلوب ضعيف
ومكنش فيه مزه بيتقالها الشعر ولا حاجه

alialmahroki said...

عموما يا عمور الكلام حلو وهوده المهم...اما الاسلوب مش ضعيف قوي...هوبس كان محتاج ترتيب للكلمات ....كمان في ابيات الاسلوب كان عالي فيها وهب.....بيت يبوظ اللي قبله......6.5 من عشرة...بس عشان انت صاحبي وبحب اكرمك

amraction said...

اكرمك الله يا محروقى

Maryama Qandil said...

salam alikom...

ما شاء الله...احلى ما فيهاالعااطفة الي فيهااا...واسلوبها مش ضعيف زي ما بتقول...بس هي قصيرة ليه؟؟؟

بما اني مليش خاالص في الفيلد ده خاالص
بس باينلها في ناار...ربنا يكرمك ياارب

على فكرة التيمبليت بتاعت البلوجة ما شاء الله حلوو برده...
keep on...:d

amraction said...

نورتى يا روما.. انا كتبت اللى كنت حاسس بيه ساعتها مكنتش تفرق معايا قصيره ولا طويله
مبسوط انها عجبتك.. كلك زوق