عمرو اديب.. بعد فوزنا على الكاميرون

مصراوى علطوووووووووووول

ايه ده... لا متقولش.. انا مش مصدق... مصر دى ولا فرنسا.. تكونش البرازيل...بسم الله ماشاء الله.. الله اكبر على منتخبنا

بصراحه.. يستحيل يكون فيه حد من ال80 مليون مصرى كان متوقع الاداء فوووووووووق الرائع ده للمنتخب المصرى.. بجد حاجه مش ممكن

انا رحت اتفرج على المطش انا واصحابى... وكنت حاطط ايدى على قلبى.. خايف بجد... بس ساعه ما المطش بدا.. شلت كل الافكار والانتقادات اللى كانت عندى على المنتخب.. وصورته الوحشه فى المطشات الوديه.

انا قبل الماتش كنت متوقع ان الكاميرون تغلبنا واحد صفر.. او احنا نغلبها واحد صفر.. لكن الارجح اننا نتعادل سلبى

لكن من اول دقيقه من الماتش.. المنتخب مسيطر فيه انسجام بين اللعيبه... تمركز كويس.. استثمار الفرص كويس جدا..... بيلعب لعب احترافى كويس..ماسك كوره صح.. مش خايف من لعيبه الكاميرون

بالعكس.. الكاميرون كانت هيا اللى خايفه مننا... ومكنش فيه تنظيم.. طبعا ده راجع تلات اربعه للمدرب العظيم ابو سته واحد اتوفيستر

كنا مسيطرين الشوط الاولانى تماما.. لحد ضربه الجزاء الصحيحه اللى احتسبت نتجيه لمسه اليد.. وعبد ربه قدر انه يدخلها مرتين رغم الاعاده... اعصابه متوترتش.. وكان مركز صح

ويستمر اللعب تحت سيطره الفراعنه... وتيجى ضربه ركنيه للقطط بتوع الكاميرون.. يحولها فتح الله بدماغه وتيجى لزيدان يعمل وان تو مع متعب وينفرد زيدان ويحط الهدف التانى

هدفين لمصر فى تلت ساعه.... بصراحه... انا مكنتش مصدق نفسى خالص.. والناس كلها مانت عماله ترقص حواليا و عمرو سلام بيشتم فى ايتو والمحروقى قاعد بيحلل الماتش ولا اكنو طاهر ابو زيد

بصراحه .. انا كنت خايف ان الجونين دول يكونو ضربه حظ.. والكاميرون تفوق وتدخل بدالهم اربعه.. لكن.. العكس تماما.. فضلت السيطره مصريه مائه فى المائه

بس بعد كده الكاميرون سيطر نتيجه ان اللعيبه كعاده اللاعب المصرى الازليه انه يرخى اللعب لما يحس انه كسبان ومسيطر.. لعب مصر فضل من بعد جون زيدان لعب اخره وسط الملعب بدون خطوره.. لحد الدقيقه الاخيره.. استغل زيدان كوره عاليه استلمها على صدره قبل المنطقه وسيطر عليها كويس رغم انه كان متحوط بتلاته كاميرون وشاطها جامده جدا تيجى فى مقص الجون ويبقى الجون التالت لمصر وده احلى جون فى البطوله لحد ناو

الشوط التانى مصر لعبت للدفاع بس.. ايتو استغل عرضيه جيريمى اللى كان فاضى تماما نتيجه اندفاع سيد معوض للهجوم ومكنش بيرجع علطول.. المهم ايتو دخل الجون الاولانى للكاميرون وهو جون حلو...

يستمر ضغط الكاميرون لمحاوله الرجوع للمطش.. ويضيع وسط الملعب لحوالى خمسه وعشرين دقيقه... ينزل ابو تريكه.. ظبط العمليه شويه.. وعمل ترقصتين كده رجعت الخوف فى قلوب قطط الكاميرون.. وقدر يعمل جمله حلوه مع عبد ربه اللى شاط الكوره من قبل المنطقه ويبقا جووووووووووووووووووووووووووون مصر الرابع

اللعب بقا هجمه هنا ونص هجمه هناك.. لحد ما فى الاخر تيجى ضربه جزاء للكاميرون معرفش ليه .. ويدخلها ايتو وكان الحضرى قرب يصدها بس فلتت منه

ينتهى المطش بنتيجه خرافيه اربعه اتنين لمصر.. وده شى اكتر من رائع...

احنا كنا بنلعب لعب حلو وسريع.. استغلينا تلات اربع الفرص.. ولو ميدو كان موجود كان استغل العرضيتين اللى عملناهم... بس النصيب بقا

احسن لعيب مصرى هو اتنين.. زيدان وعبد ربه.. ولو ابو تريكه بيعلب من الاول كان يبقا التالت

مفيش لعيب وحش فى المنتخب.. اه حصلت شويه اخطاء.. بس دول بشر.. وبازن الله نظهر احسن واحسن

الكاميرون مبقتش اسود ادامنا.. محصلوش حتى فراخ

المطش احسن وامتع مطش فى البطوله الى الان

انا مكنتش متفائل خالص قبل المطش..وكنت خايف نتفضح.. بس الحمد لله.. كده اللعيبه بقا عندها حماس وبقا عندنا امل وتفاؤل اكتر فى اننا نوصل للنهائى وناخد الكاس...

الكاميرون زيها زي نيجيريا وكوت ديفوار وغانا.. فرق جامده اه...بس مفيش تكتيك ولا خطط..وبيعتمدو بس على اسامى اللعيبه الكبار اللى عندهم.. فبازن الله لو استمر منتخبنا على نفس الاداء الرائع ده وبنفس السرعه وبنفس الاحساس بالمسئوليه والاحساس اننا مش اقل من اى منتخب.. اعتقد رجوعنا بالكاس بازن الله مضمون

ودايما هنشجع ونقوووول مصرااااااااااااوى علطوووووووووووووووووول..حسن شحاتة يا معلم .. خليت الكاميرون تتألم

مصر..مصر.. مصر

مدد مدد..شيدى حيلك يا بلد..الامم الافريقيه 2008

بما ان الامم الافريقيه قربت خلاص.. وانا من الملايين اللى عارفه اننا هنتفضح هناك.. ومتنخبنا احتمال صعوده لدور التمانيه اد احتمال

طلعوه من الدول الاول ويبقا الفضيحه الكبرى فعلا..عموما..ربنا يوفق اللعيبه والمدرب يغير خطته الجهنميه..انتو ورا وانتو فى الوسط وانتو جيبو اجوان..
خطه عبقريه بس يا ريت يتنازل عنها شويه
وربنا فعلا يسترها علينا هناك
اعتقد ان المنتخب فعلا ناقصه ميدو.. هو مش اللعيب الجبار.. بس مفيد فعلا مع المنتخب..يكفى انه التور الوحيد اللى يقدر يتعامل مع الجحافل الدفاعيه بتاعت الفرق التانيه
وعموما..ربنا معاكو يا رجاله..وبازن الله يبقا مكسبنا وفوزنا بالكاس بتاع اليد بشره خير علينا

ومدد مدد شيدى حيلك يا بلد

اتفرجو ع الصور دى.. من وحى الا مم الافريقيه

وقت مستقطع..خطر.. امتحانات..

ربنا يسهل.. ممكن لو موضوع عجبنى اوى او فيه فكره هتطير دماغى ابقا اكتب...بس دعواتكم لينا بقا

يا رب.. استرها معانا

انجليزى ده يا مرسى..!!؟

سلامو عليكووو

يا هلا يا شباب

النهارده السبت.. وده شئ لذيذ.. ليه مش عارف..ما علينا

المهم الخميس اللى فات كان عندنا امتحان فى الذ ماده بناخدها وهيا الكوميونيتى

طبعا الماده دى كلنا ..كلنا.. وانا بقول كلنا..(بنحبها)جدا.. لدرجه اننا بنستنا ميعاد السينمار ولا السيمينار.. بتاعها ده يوم الخميس..بنبقا هنطير من الفرحه عشانه

ويا سلام ع الدكاتره.. كلهم بلا استثناء علماء.. وفاهمين هما بيقولو ايه

طبعا الكلام اللى فوق ده خيال علمى واااضح جدا ولو حصل مش هيبقا ع الارض.. ممكن فى احد العوالم الموازيه

الماده دى اساسا اسمها لا يدل على اى شئ..ماده طب الاسره والبئيه والمجتمع وطب الصناعات..

يعنى ايه.. الله اعلم

ثانيا..بناخد فيها ايه.. ده المصيبه الكبرى. لاننا فى كل ماده بناخد حاجه ليها علاقه بالجسم البشرى و احتمال تفيدنا فى اى حاجه فى يوم من الايام

لكن الماده دى.. نو.. بيج نووو كمان..

شويه شباتر عن الاداره.. وشابتر تانى عن الاحصاء وواحد ااقتصاد.. وواحد خغرافيا..وواحد اداره اعمال..ده ناقص يحطو شبتر صيانه وشبتر العاب برمائيه

انا بدرس اداره ليييه؟؟ انا مش عارف هو انا فى تجاره؟؟

وده خلانى فى مره اسئل الدكتور اللذيذ جدا اللى بيدينا..

يا دكتور احنا بناخد الماده دى ليه اساسا

بص يا عمرو.. الماده دى مهمه.. عشان لو حبيت تفتح مستشفى خاص.. او ربنا كرمك وبقيت وزير صحه.لازم تعرف القوانين والسياسات اللى بتمشى بيها الدوله الصحه

ولازم تكون فاهم برنامج اسئل استشير بتاع تنظيم الاسره

يا نهار اسود..الماده بندرسها عشان ولا حاجه.. عشان حاجات مش موجوده

هو انا لاقى اكل عشان افتح مستشفى خاص.. لا ولو ربنا كرمنى وبقيت وزير صحه

ده عند امه يا ادهم..مش عارفين فيه تكليف وتعيين ولا لا.. وده بيقولى وزير صحه

كان فيه كلام تانى عايز اقوله.. بس نسيت.. بعدين بقا

سلاموووز