Saturday, February 23, 2008

الهروب الكبيييير

الحضرى هرب يا جماعه.. بتقولو ايه.. ايوه الحضرى هرب.. هو كان عليه تار ياخويا.. لا ابدا.. كان عليه الاهلى.. و ايز فجاه نلاقيه فى سويسرا
رايح يسحب فلوس من رصيده هناك.. لا والله..ده رايح يلعب فى نادى عظيم خالص اسمه سيون السويسرى
انا كنت ناوى اتكلم عن ظاهره الطوابير فى مصر.. بس ايز فوجئت بالخبر السعيد ده.. الحضرى طفش من الاهلى وراح سيون
طبعا الخبر صدمه كرويه لكل مصر اهلاوى زملكاوى شرقاوى كله واحد.. محدش يقولى ان شمهور جاله فى المنام قالو ان الحضرى ايز رايح سويسرا
الحضرى كان راجع فيرى هابى من امم افريقيا.. وحش افريقيا.. ولعب مع الاهلى تمام فى الدورى.. ايه اللى خلاه بقا يطفش.. الله اعلم
طبعا اخوانا المنجمين فى الساحه الكرويه اكتر من الهم ع القلب.. والتحاليل الفنيه طلعت بالعبيط.. اشك ان ممكن واحد يطلع فى مجلس الشعب ويقدم طلب احاطه ويقول ليييييه الحضرى ايز هرب؟؟
الغريبه ان الاهلى رفض عرض سيون الرسمى وقال انه لا يتناسب مع قيمه الحضرى وان الفرقه عايزاه.. فى نفس الوقت القيعى قال انه لو جه لاى لاعب ف الاهلى عقود احتراف مرضيه للاهلى .. الاهلى هيوافق
يبقا فين الموشكل..؟؟
الحج كمال الحضرى ابو عصام قال ان جوزيه طفش الحضرى.. ليه يا خويا.. جابله ضره؟؟.. لا وايه كمان الحضرى اللى عمل جوزيه..هو مين بيدرب التانى.. انا مووووش عارف
ناس من اخوانا المنجمين بتقول الحضرى كانت عنده مشاكل مع الاهلى وخلاص زهق وقرر يسافر بلاد برا يعمل قرشين من الخضر الحلوين ويعرفلو كام مزه فى اخر مسيرته الكرويه
ناس تانيه -من اخوانا المنجمين برضه- قالت لا يا جماعه.. هو سافر بيمان مستقبله.. الراجل نفسه ينحرف قصدى يحترف..مستقبل ايه فى سيون؟؟
سيون ده تامن الدورى السويسرى من اصل عشر فرق بس.. يعنى مهدد للهبوط
وكمان هيديلو اد ايه يعنى..ميه مليون دولار؟؟.. وحتى لو فعلا هيديلو فلوس قارون.. هو مش مكتفى بالفلوس فى الاهلى والفلوس من الاعلانات؟؟
وبعدين هيجيب منين جمهور زى اللى هنا؟؟
عموما.. رايى الشخصى ان الحضرى غلط غلطه كبيره.. الاحتراف من حقه بس مش بالطريقه دى..فيها ايه لما يصبر بقيت الدورى ويجيله عرض احسن
اكيد فى سبب ما خلى الحضرى يهرب بالشكل العيالى ده..وفكل الاحوال دى حريته الشخصيه وياخبر النهارده بفلوس بكره يبقا ببلاش
محلوظه
ايز =is

2 قولى رايك فى الحوار ده..:

Ali Korkor said...

خد الجامده دي
محامي مصري رفع قضية ع الحضري عشان يسقط الجنسية
العربية نت

amraction said...

ميين المحامى اللى دماغه فاجره ده.. اكيد كان مديها (بانكو) قبل ما يرفع القضيه