اولا وقبل كل شئ.. الف مليون مبروك لكل واحد فيكى يا مصر...مبروك علينا الكأس السادسه... وفرحه الحصول للمره التانيه ع التوالى
بكاس الامم الافريقيه 2008
بصراحه... الكاس المرادى ليها طعم تانى تماما عن الكاس اللى خدناها من سنتين عندنا
عشان ناس كتير جدا كانت مشككه فى حصولنا على كاس 2006..ناس كتير قالت انها ضربه حظ.. نقاد كتير كانو بيقولو ان كوت ديفوار هيا الاحق بيها
لكن منتخبنا اثبت المرادى انه فعلا جاى يدافع عن البطوله.. مش جاى يقضى واجب وخلاص.. احنا كنا الافضل مكنش في منتخب بيلعب بنفس الحلاوه والكفائه زينا.. كوت ديفوار اه كانت جامده..بس من غير دفاع.. لكن احنا كنا منتخب كامل الخطوط
الناس كلها فى العالم اشادت باداء منتخبنا.. واللى يقول عكس كده ادب صوابع فى عينيه
فوزنا المرادى كان حاجه حلوه جدا... حاجه فرحت قلوب 75 مليون مصرى.. وكمان قلوب كل العرب..انا اول مره فى حياتى اشوف توانسه ومغاربه وسعوديين وسودانيين وبحرينين وفلسطينين... واقفين مع مصر.. اول مره اشوف العرب كلهم متفقين على حاجه.. كله كان بيشجع مصر.. كله كان بيتمنى فوز المنتخب ... والحمد لله رجالتنا كانو اد المهمه وكسبو
بصراحه.. انا لازم اعتذر للمنتخب بتاعنا.. عشان انا قلت قبل البطوله انهم مش هيعملو حاجه وهيفضحونا...لكن اتضح انهم رجاله بحق.. وكانو بيلعبو بداء راقى جدا.. وكمان اكبر اعتذار للمعلم.. كلنا كنا بنقول ده راجل طيب ومالوش فيها..
لكن اتضح اننا احنا اللى ملناش فيها.. وانه قدر فعلا يفهم ويولف اللعيبه بالطريقه اللى تكسبنا البطوله..حسن شحاته قدر يخلى الاسود التى لاتقهر قطط اليفه... والافيال ..حمير صغيره بتتركب...واثبت للعالم كله انه مدرب كفء.. والحمد لله ربنا كلل مجهوده و تعبه بالفوز ويدخل التاريخ كتانى مدرب ياخد بطولتين فى افريقيا ورا بعض... مبروك المعلم. مبروك للعيبه.. مبروك لمصر كلها...انا لحد دلوقتى مش قادر اصدق الفرحه اللى انا فيها...
الف الف الف مليوووووووووووووووووووون مبروووووووك لمصر... ويا رب دايما منتخبنا يقدر يسعدنا علطول
4 قولى رايك فى الحوار ده..:
فعلاً الكاس المرة دي ليه طعم مختلف عن الكاس بتاع 2006..عموماً مبروك يا عمرو
وانبسطت قوي إني لقيت الصورة بتاعة الحضري و زيدان..المنظر دا عاجبني قوي من ساعة ما شفته و كان نفسي ألاقيله صورة.
طب كويس انك لقيت الصوره اللى انت عايزها.. نحن فى خدمتكم دائما (:
محدش يعرف الزمالك يعمله الكام ع الدوري دلوقتي ؟
زمالك.. هو لسه الفرقه دى عايشه
زباح الفوول يا عم على
Post a Comment