وناس رابعه تقول صاحبى يبقا اللى فيه كل اللى فوق ده.. وزياده عليه يبقا زى اخويا تمام.. يعرف عنى كل حاجه ويدافع عنى فى غيبتى وكمان ما تهموش مصلحه من ورايا..
انا بقا من الصنف الاخير ده..ولو ان التعريف مثالى شويه.. بس على الاقل لما يبقا البنى ادم اللى بتقول عليه صاحبك فيه من الحاجات دى 80 فى الميه يبقا لووووووووز
انا شفت ناس كتير ينطبق عليهم الكلام ده.. بينهم وبين بعض.. يبقو الاتنين تقريبا عايشين مع بعض..وتبقا فعلا صداقه حقيقيه..
لكن للاسف النوع ده من الصداقه مش موجود كتير..وانا معشتوش الا فترات معينه من حياتى... كنت وقتها بحس ان صاحبى ده يستاهل كلمه انتيمى.. my best friend على راى اخوانا الانجليز
الناس هتقولى ..لا يا عمرو.. بطل كئابه يا اخى الصداقه الحقيقيه موجوده وكمان بالهبل وانت مش واخد بالك.. بس انت البس النضاره وانت تشوفها.. هقولهم حاضر.. هعمل عمليه تصحيح نظر كمان..واخد حبوب تفاؤل.. وبرضه انا متاكد من النتيجه, عشان انا عايشها.. بشوفها فى تعاملات الناس كل يوم..بشوفها فى تعامل ناس معايا بقول عليهم اصحابى..لكن هما ما وصلوش حتى لاربعين فى الميه من التعريف اللى قلت عليه
انا معرفش اذا كان فيه طريقه سحريه تخلى الناس تعاملك زى ما تحب طالما انك بتعمل معاهم كده,لكن اللى بشوفه هو العكس..بشوف ان الناس دايما بتطالبنى بكل حاجه كويسه معاها طالما اننا اصحاب.. واصحاب من زمااااااان اوى كمان ورغم كده ما يعملوش حاجه يثبتو بيها انهم اصحابك بجد
ممكن تكون مشكلتى انى بتعامل مع الناس غلط او بطيبه زياده عن اللزوم..او انى نحس ومالياش حظ مع اصحابى..المهم انى مووش عارف ايه المشكله بالظبط..وكمان معرفش اذا كانت مشكله معايا انا بس ولا بتقابل ناس كتير
اعتقد ان الموضوع ده فضفضه اكتر من انه راى فى الصداقه..بس المهم ان ده اللى جوايا بصراحه واللى حبيت اكتبه فعلا
سلامووز
4 قولى رايك فى الحوار ده..:
شوف يا عمرو يا خويا
هقولك حاجتين
الحاجة الثالثة ان الخل الوفى من المستحيلات الثلاثة
يبقي عايزه يكون موجود ازاي
هو فيه صداقه فعلا وبتكون جميلة اوي بس اللي يغيظك بقي ان بتكون بدايتها مصلحه وفي في الوسط حبه منافسة محترمين وساعات يكون البني ادم من دول شايلك من جوا بلاوي سبحان الله ميكونش صافي كده ومريح قلبه لا لازم يكون شايلك حاجه مش عارفه ده انا شفته
حالة تانية بقي حد يكون عارفك ومصاحبك عشان حد تاني الحد التاني ده صاحبك اوي وهو عايز صاحبك ده فبالتالي بيكلمك او معاك او او الي اخره عشانه ودي حالة انا شفتها بعنيا اللي هياكلهم الدود
باختصارررررر لازم نتأقلم على الوضع اكيد برضه وسط ده كله في حد بيحبنا بجد حد فعلا مهتم اننا اصحاب حد فععلا ممكن يخلي المستحيل الثالث ده واقع وربنا يكرمنا كلنا ان شاء الله
انت يا عمرو محتاج عشان تحصل على صداقة حقيقية عدة مقومات
اولا : قاعدة تاريخية تبني عليها الصداقة دي يعني تعرف الشخص من زمان
ثانيا : عوامل مشتركة بينكم تكون ارض صلبة تقوم عليها العلاقة
ثالثا : مجموعة مواقف حميدة في الصداقة زي انه يزورك و انت في المستشفى و اطرافك الاربعة مكسورين ..... بعد الشر يعني او انه يخدمك خدمات جليلة
رابعا : يكون عندكم القدرة على تخطي اللحظات الصعبة الي بتمر باي علاقة بين شخصين
خامسا : يكون اسمه المحروقي ....... الدراسات اثبتت ان الفصيلة دي ممتازة في الصداقة
المحروقى فصيله ممتازه فالصداقه.. وماله يخويا.. وماله
ابقا جيبلى شويه محروقى باتنين جنيه
اولا وبدىء ذى بدىء احب اسكر عمرو على انه فتح الحوار فى موضوع مهم زى ده بس يا عمرو برضو ان الكلام اللى انت قولته ده وجهة نظر من راى واحد يعنى مخ واحد هو انا معاك صعب انك تلاقى الواحد الللى يكون 100% يعنى مفيش حد كامل بس برضو اكيد هتلاقى من اللى حواليك اللى بيحبوك ويهتمو بيك هو على الارجح انا شايف ان انت كنت راسم فى دماغك صوره معينه ولا كنك ارتطمت بارض الوقع ولا قيت عكس اللى انت راسمه وده عيب كل المصريين انه يأعد يتخيل الحوار قبل ما يحصل فلما الحوار يجى يحصل يكون اكيد عكس ما توقع وده لان احنا مش انبياء ملهمين احنا بشر وانا شايف ان المقومات الى قالها لاخ على فى الصداقه دى كويسه جدا وكمان الحاجه المهمه اوى ان انت لما تلاقى اى حد انت بترتاحله مش لازم تدقق على كل تصرفاته وربنا يوفقك
وعلى راى الشاعر اللى بيقول
مضت أيام الوفا... ومعها ساعات الصفا
وكانت نجوم الليل
بلا صديق ... ضللنا الطريق
وكانت عيناك دليل
نسيت معك الناس ... وشربت السم في كاس
وصنعتي مني عليل
سقطت اوراق الشجر ... وقلبي اصبح حجر
والحب أضحي قليل
Post a Comment