Monday, August 25, 2008

VOLA VOLA PALOMBELLA

فاااااااكر زماااااان ..واحنا صغيرين كانت بتيجى اغنيه ع التلفزيون كتير اوقات عرض الكارتون وبرامج الاطفال وخلافه
كانت بنت صغيره شاميه بتغنى ويغنى معاها كورال اطفال
الاغنيه كان نصها شامى ونصها ايطالى
معظمنا دلوقتى على ما اعتقد فاكر منها جملتين بس..طيرى طيرى يا عصفوره.. وما يوازيها بالايطالى -فولا فولا بالومبلا
الاغنيه دى بجد من اروع الاغانى اللى سمعتها وبحبها جدا



كلمات الاغنيه
الايطالى
vola, vola palombella = fly, fly little pigeon
prima che scompaia la mia stella = before my star disappears
e un bacino sulla fronte = and a little kiss on your forehead
Porta il sol che spunta all’orizzonte = bring the sun that appears in the horizon
e se un chicco d’oro ti darà = and if it gives you a gold grain
un chicco di felicità = a grain of happiness
me lo presti, amica bella? = can you lend it, beautiful friend?

العربى
بيتك يا عصفوره وين..ما بنشوفك غير بتطيرى؟؟
ما عندك غير جناحين..حاكينا كلمه صغيره
ولو سألونا بنقلن..ما حاكيتنا العصفوره
طيرى طيرى.. طيرى طيرى.. طيرى طيرى يا عصفوره
قصه الاغنيه
الاغنيه دى واضح انها كولكشن لبنانى على ايطالى..بتغينها طفله(اللى كانت طفله يعنى)اسمها نادينا
نادينا دى مولوده لاب وام لبنانيين ايام ضرب وحصار لبنان من اسرائيل فى التمانينات
فى منتصف التمانينات ابو نادينا وداها لجمعيات خيريه واهليه كتير تغنى عشان يجمعو مساعدات عشان الحرب
كان من ضمن الجمعيات دى اليونيسيف
ولما بقا عندها ست سنين..بدا يتكون كورال من الاطفال هناك بقياده المايسترو سليم سحاب
ده اداها فرصه عمرها للشهره.. فى 22 نوفمبر سنه 86 فى بولونيا بايطاليا دخلت نادينا فى الكورال الى هيغنى فى احتفال له اسم ايطالى مكلكع انا مش عارف انطقه اساسا عشان اكتبه
المهم.. الاحتفال ده كان تبع اليونيسيف
كانت الاغنيه دى هيا بقا اغنيه الاحتفال.. اللى ادت فيها نادينا بشكل رائع
اتفرج على الاحتفال ده ما يقرب من 25 مليون مشاهد على مستوى العالم..واثر تاثير كبير على العالم
ومازالت الاغنيه الى الان مشهوره جدا وتحظى باقبال كبير
غير كده.. نادينا كسبت الميداليه الذهبيه احسن اداء فى الاحتفال ده
تانى يوم بعد الاحتفال.. تقريبا نص جرايد ومجلات العالم كتبت عن الموضوع ده..وبقت الاغنيه مشهوره
وكتير جدا من الجمعيات والمؤسسات والمعسكرات الخيريه اللى بتساعد فى مساعده الاطفال فى الحروب خادت كلمه فولا فولا بالومبلا شعار ليها
حاليا نادينا شويه بتغنى بس اغلب الوقت هيا موديل
ده موقعها.. وطبعا هناااك فارق واضح بين الطفله البريئه اللى غنت الاغنيه..ولما كبرت بقت شيطانه لبنانيه
على راى سعيد صالح.. انت اعمل كده هتلاقى المقرر شبك فى ايدك علطول(اللى مفهمش الحته دى يكبر مش لازم يعنى تفهمو كل حاجه) بس الاغنيه دائما وابدا بتفكرنى بالطفوله الجميله وزكريات زمااان اللى مهما الواحد عشان بعدها دايما يرجع يقول ياريتنى لسه طفل صغير مشفش العالم والمشاكل والهموم اللى فيه

11 قولى رايك فى الحوار ده..:

Anonymous said...

فكرتنى بالذى مضى
ياريت الواحد فعلا كان فضل صغير
بس بشكرك ع الامانة العلمية في حتة الموقع بتاع الاخت بصراحة انا كنت لحد دلوقتى متخيل الشكل اللي ف الاغنية ده اكنها مثلا توقفت عن النمو

Gihad N. Sohsah said...

عارف

الاغنية دي ليها النسخة العربي الاساسية بتاعت ماجدة الرومي


دي السلام الوطني للدولة اللي بحلم بيها

FreeKiller said...

السلام عليكم و رحمه الله و بركاته

انا فعلا بحب الاغنيه دي جدا
سواء دلوقت او لما كنت صغيرة
ياااااااه
فكرتنا بالذي مضى

بس فعلا الواحد مكنش فاكر منها غير الكلمتين اللي قلت عليهم
كويس انك حطيتهالنا هنا

كل سنة و انت طيب و رمضان كريم

Unknown said...

الله انا بحب الاغنيه دي اوي لو عاوزها أوديو انا هعمل توبيك عن أغاني الأطفال قريب أوي

ياسمين

Dr.Mohammed Gohary said...

أنا بعشق الاغنية دي مش بس بحبهااااا

بجد انت رجعتني تمنتاشر سنة ورااااا

يااااااااااه

كنت لما اشوفها قدام التليفزيون يوووو
اقعد أغني

كانت الحياة حلوة

تحياتي

مدونة رائعة

دمت مبدعاً

amraction said...

anonymous
شكرا ع الزياره والتعليق..ياريتها فضلت ع الشكل ده. كانت هتفضل بريئه علطول

amraction said...

صانعه الاحلام
ثانكس ع الزياره الجميله دى.. ما اتمناش انها تبقا الاخيره

حلوه فكره الدوله اللى بتحلمى بيها يكون سلامها الوطنى نشيد عالمى كده

amraction said...

فرى كيللر

كل سنه وانتى طيبه.. كويس انى فكرتك بالايام الجميله فى الذى مضا

amraction said...

عاقله على ارض الجنون

يا ريت متخليهاش اخر زياره.. منوره البلوج والله
ثانكس ع العزومه دى.. بس انا عندى الاوديو بتاع الاغنيه

amraction said...

دكتور محمد

منور البلوج.. وثانكس ع المجامله الرقيقه.. المدونه مش بالابداع ده

ثانكس ع الزياره.. كل سنه وانت طيب

Unknown said...

تحفة بحس اني طفلو ابلة وبريالتي