Monday, June 2, 2008

البريزينتيشن بتااااااااااااااااااعى

الحمد لله... اخيرا وبعد عذاب شهر ونص وخناقات مالهاش اول من اخر.. خلصنا البريزينتشين بتاعنا(بتاع الكوميونيتى..الصحه العامه و طب المجتمع يعنى).. وعرضناه

كان المفروض عرضه يوم التلات 27 \ 5 بس للاسف الجهازين اللى كانو معانا باظو.. واحد علق .. والتانى محطش منطق.. شوفتو النحس ورئيسه القسم زعلت ومشيت.. وكانت ليله.. بس الحمد لله وافقت انها تدينا فرصه تانيه
وقدرنا بعون الله نعرضه يوم الخميس 29 \ 5 بعد امتحان الراوند
كانت فكرتنا اننا نعمل زى تقرير او بيان عن حرب بين القوات الطبيه المصريه والامراض والمشاكل الصحيه اللى كانت فى القريه اللى نزلناها.. اينعم التنفيذ كان ناقصه كتير.. زى اللبس و الاعداد الكويس.. بس احنا علمنا اللى نقدر عليه.. وكمان فكرتنا كانت جديده ومش محروقه ولا انعملت قبل كده.. كان ممكن نطلعها احسن من كده..بس وقتنا وامكانيتنا ما سمحتش الا بده.. بس الحمد لله انه نال اعجاب عدد كويس من زمايلنا.. وعجب دكتوره ساره المشرفه علينا

الحمد لله عجب ناس كتير.. هو اينعم مكنش بالجوده او الكوميديا اللى كانت فى بريزيتشين ابص باشا.. بس اهى حاجه على قدنا



انا رفعت التتر وشويه غلطات مشاهد(الميكينج يعنى) لما كنا بنصوروكمان شويه صورلينا من القريه العجيبه اللى مفيهاش بنى ادمين اللى نزلناها..ولما اعرف اجيب بقيت البتاع هبقا ارفعه ع البوست ده..




THE VILLAGE....


انا اللى على اليمين.. اللى لابس قميص ابيض مشجر







THE MAKING.....


ده انا.. القائد الميدانى للقوات الطبيه..خخخخخخخ














THE TITRE



وده بقا فيديو التتر اللى عملناه عشان يطلع فى اخر البريزينتشين بتاعنا.. فيه شويه غلطات مشاهد وحاجات تانيه صورناها مخصوص عشان التتر.. اتمنى انه يكون حلو








احب اشكر على قرقر باشا على مجهوده الكبير فى شغل الكمبيوتر.. الراجل عمل باور بوينت تحفه.. واشتغل كتير فى الفيديهوات قص وتحويل ولزق وحاجات كتير.. ويكفى انه مبدع التتر.. بس عيبك يا على انك يا راجل عصبتنا عشان تخلص الحاجه.. وبلاش والنبى جنون العظمه اللى راكب اهلك ده..اديك شفت جروب ابص بالهداوه خلصه شغلهم تمام..انت عملتلنا حدوته وذليت انفاسنا ولا ما يكون بيل جيتس اللى بيشتغل معانا..بس مايمنعش برضه انى اشكرك على شغلك الجبار ده.. واتمنالك التوفيق فى مشروعاتك كديزاينر محترف

كمان بشكر دكتوره ساره على تعبها معانا ومساندتها لينا .. بجد معرفش ازاى استحملتنا طول السنه سيمينار وراوند كمان..واحنا معروفين بالشقاوه والارهاب

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ع الهامش.. النهارده بدانا امتحانات الفاينل.. كان عندى امتحان عملى شرعى وسموم.. الحمد لله الامتحان كان حلو وحليت لووز.. رغم الغلطه العجيبه اللى عندى.. بس الحمد لله

ربنا يسترها معانا فى الباقى..هنبدا 15\6 نظرى كوميونيتى..وهنخلص امتحانات على يوم 1\8..دعاوتكو معانا

9 قولى رايك فى الحوار ده..:

Unknown said...

هو انا مش فاهمة اية اللي بيحصل
بس كويس كويس
وربنا معاك في الامتحانات
يا ابني
طبعا
محدش ادي خلصت واللي بيدروس لسة بالنسبة لي اطفال بقي
يلا اسيبك علشان اروح العب ولا اتفرج ع التي في ولا اعمل ا ي حاجة فاضية بقي
سلاممممممممممممم

Ali Korkor said...

ايه اللي انت بتقوله ده ؟
البريزنتشن كان وحش جدا يا عم
كان وحش في كل تفصيل منفرد منه
كان سيء جدا
من اسوء البريزينتشينات اللي عرفتها البشرية
كان بريزنتشن اهبل و عبيط
كان بريزنتشن مالوش طعم
متعرفلوش اول من آخر كده
كان بريزنتشن فاقد للأهلية

بس هو طيب

Ali Korkor said...

احقاقا للحق كمان انت كان اولى انك تشكر كريم
بصراحة هو اكتر واحد تعب فينا في الشغل ده
في الواقع تقريبا هو الوحيد اللي تعب في الشغل ده

amraction said...

كريم تعب يا قرقر.. وانا اللى كنت بلعب
انا اكتر واحد مثلت.. وانا اللى سجلت الصوتيات..
وكتبت سيناريو التقديم..وجايب جهازين من اللى باظو..
كلنا تبعنا فى الشغل ده.. ماعدا المحروقى

Ali Korkor said...

LOL

FreeKiller said...

انتم بقى الجروب اللي باظ البريزنتيشن بتاعه
عموما هيا فعلا أحسن حاجة عدن عالواحد السنة دي كلها
هو بريزنتيشن الكوم

بالتوفيق جميعا في الامتحانات

أميرة الهدوء said...

هو انا مش فاهمة اية الحكاية
بس هو اكيد فى حكاية
(معلش فهمى على قدى)
وفهمت انكوا انجزتوا حاجة فى الاخر

عموما ربنا معاكم وبالتوفيق

تحياتى
اميرة الهدوء

د/اجدع بنوته said...

ههههههههههه

انتو كنتم طالعين رحله

ال طلعت يامحلى نورها ال

يام مكنش كل واحد فيكم

عارف يجيب بدلة الجيش بتاعة والده

بتاعة 73 او 69 حتى

بس طبعا الفكره كويسه

وربنا يكون ف عونكم ع اللى حصل ده

والحمدلله انكم عرضتم برده

والمره الجايه ان شاء الله

تبقوا مظبطين وعاملين حساب كل تكه

(( المره الجايه مش انكم تعيدم لا قدر الله ((

لا وانتم بتعملوا برزنتيشن للمؤتمر

الصحى السابع والسبعين لامراض

الشيخوخه

باذن الله .. ف حياتكم

وايه الحقد الدفين ع .. أبص ده

بس الا هو مين الدماغ العاليه صاحب فكرة هذه الحرب الضروس

وجامد الكاب .. م ريحة الميشن برده

كوبسى ميشن .. طلعت يامحلى نورها

امضاء

قائدة كوبسى ون لمجموعه تلاته راوند 4

لوووووووووووولات

kimo_thunder said...

أشكر قرقرلتعديله على عمرو لكن زي ما قال كلنا إشتغالنا
لكن كان في بعض الأخطاء
و أحسن حاجه في الموضوع إني أعتقد في ناس إستفادت من الموضوع
على الأقل أنا إستفدت لأني أخدت بعض الثقه في نفسي
و حتى لوفشل يا قرقر أقولك الفشل يولد نجاح