VOLA VOLA PALOMBELLA

فاااااااكر زماااااان ..واحنا صغيرين كانت بتيجى اغنيه ع التلفزيون كتير اوقات عرض الكارتون وبرامج الاطفال وخلافه
كانت بنت صغيره شاميه بتغنى ويغنى معاها كورال اطفال
الاغنيه كان نصها شامى ونصها ايطالى
معظمنا دلوقتى على ما اعتقد فاكر منها جملتين بس..طيرى طيرى يا عصفوره.. وما يوازيها بالايطالى -فولا فولا بالومبلا
الاغنيه دى بجد من اروع الاغانى اللى سمعتها وبحبها جدا



كلمات الاغنيه
الايطالى
vola, vola palombella = fly, fly little pigeon
prima che scompaia la mia stella = before my star disappears
e un bacino sulla fronte = and a little kiss on your forehead
Porta il sol che spunta all’orizzonte = bring the sun that appears in the horizon

e se un chicco d’oro ti darà = and if it gives you a gold grain
un chicco di felicità = a grain of happiness
me lo presti, amica bella? = can you lend it, beautiful friend?

العربى
بيتك يا عصفوره وين..ما بنشوفك غير بتطيرى؟؟

ما عندك غير جناحين..حاكينا كلمه صغيره

ولو سألونا بنقلن..ما حاكيتنا العصفوره

طيرى طيرى.. طيرى طيرى.. طيرى طيرى يا عصفوره

قصه الاغنيه

الاغنيه دى واضح انها كولكشن لبنانى على ايطالى..بتغينها طفله(اللى كانت طفله يعنى)اسمها نادينا

نادينا دى مولوده لاب وام لبنانيين ايام ضرب وحصار لبنان من اسرائيل فى التمانينات

فى منتصف التمانينات ابو نادينا وداها لجمعيات خيريه واهليه كتير تغنى عشان يجمعو مساعدات عشان الحرب

كان من ضمن الجمعيات دى اليونيسيف

ولما بقا عندها ست سنين..بدا يتكون كورال من الاطفال هناك بقياده المايسترو سليم سحاب

ده اداها فرصه عمرها للشهره.. فى 22 نوفمبر سنه 86 فى بولونيا بايطاليا دخلت نادينا فى الكورال الى هيغنى فى احتفال له اسم ايطالى مكلكع انا مش عارف انطقه اساسا عشان اكتبه

المهم.. الاحتفال ده كان تبع اليونيسيف

كانت الاغنيه دى هيا بقا اغنيه الاحتفال.. اللى ادت فيها نادينا بشكل رائع

اتفرج على الاحتفال ده ما يقرب من 25 مليون مشاهد على مستوى العالم..واثر تاثير كبير على العالم

ومازالت الاغنيه الى الان مشهوره جدا وتحظى باقبال كبير

غير كده.. نادينا كسبت الميداليه الذهبيه احسن اداء فى الاحتفال ده

تانى يوم بعد الاحتفال.. تقريبا نص جرايد ومجلات العالم كتبت عن الموضوع ده..وبقت الاغنيه مشهوره

وكتير جدا من الجمعيات والمؤسسات والمعسكرات الخيريه اللى بتساعد فى مساعده الاطفال فى الحروب خادت كلمه فولا فولا بالومبلا شعار ليها

حاليا نادينا شويه بتغنى بس اغلب الوقت هيا موديل

www.nadina.tv

ده موقعها.. وطبعا هناااك فارق واضح بين الطفله البريئه اللى غنت الاغنيه..ولما كبرت بقت شيطانه لبنانيه

على راى سعيد صالح.. انت اعمل كده هتلاقى المقرر شبك فى ايدك علطول(اللى مفهمش الحته دى يكبر مش لازم يعنى تفهمو كل حاجه) بس الاغنيه دائما وابدا بتفكرنى بالطفوله الجميله وزكريات زمااان اللى مهما الواحد عشان بعدها دايما يرجع يقول ياريتنى لسه طفل صغير مشفش العالم والمشاكل والهموم اللى فيه

عن الحب قالوا.. الحب اعمى..الحب مجنون

في قديم الزمان

حيث لم يكن على الأرض بشر

....كانت الفضائل والرذائل.. تطوف العالم معا "..وتشعر بالملل الشديد ....

ذات يوم... وكحل لمشكلة الملل المستعصية ...اقترح الأبداع.. لعبة.. وأسماها الأستغماية .. .أحب الجميع الفكرة

وصرخ الجنون: أريد أن أبدأ.. أريد أن أبدأ ...أنا من سيغمض عينيه.. ويبدأ العدّ ...وأنتم عليكم مباشرة الأختفاء ....

ثم أنه اتكأ بمرفقيه..على شجرة.. وبدأ ...واحد... اثنان.... ثلاثه

وبدأت الفضائل والرذائل بالأختباء ..وجدت الرقة مكانا لنفسها فوق القمر ..

وأخفت الخيانة نفسها في كومة زبالة ...وذهب الولع واختبأ بين الغيوم

ومضى الشوق الى باطن الأرض ...الكذب قال بصوت عال: سأخفي نفسي تحت الحجارة.. ثم توجه لقعر البحيرة

واستمر الجنون: تسعة وسبعون... ثمانون.... واحد وثمانون

خلال ذلك أتمت كل الفضائل والرذائل تخفيها... ماعدا الحب ...كعادته.. لم يكن صاحب قرار... وبالتالي لم يقرر أين يختفى

تابع الجنون: خمسة وتسعون....... سبعة وتسعون ....وعندما وصل الجنون في تعداده الى: مائة ،،،،،،قفز الحب وسط باقه من الورد.. واختفى بداخلها ..فتح الجنون عينيه.. وبدأ البحث صائحا": أنا آت اليكم.... أنا آت اليكم

كان الكسل أول من أنكشف...لأنه لم يبذل أي جهد في إخفاء نفسه ..ثم ظهرت الرقّة المختفية في القمر

وبعدها.. خرج الكذب من قاع البحيرة مقطوع النفس ... !!واشار على الشوق ان يرجع من باطن الأرض ...وجدهم الجنون جميعا".. واحدا بعد الآخر

ماعدا الحب ...كاد يصاب بالأحباط والبأس.. في بحثه عن الحب

الى ان اقترب منه الحسد.. وهمس في أذنه :الحب مختف في شجيرة الورد

التقط الجنون شوكة خشبية أشبه بالرمح.. وبدأ في طعن شجيرة الورد بشكل طائش.. ليخرج منها الحب

ولم يتوقف الا عندما سمع صوت بكاء يمزق القلوب وظهر الحب وهو يحجب عينيه بيديه.. والدم يقطر من بين أصابعه

صاح الجنون نادما": يا الهي ماذا فعلت؟ ..ماذا أفعل كي أصلح غلطتي بعدما أفقدتك البصر ؟

أجابه الحب: لن تستطيع إعادة النظر لي... لكن لازال هناك ماتستطيع فعله لأجلي... كن دليلي

وهذا ماحدث من يومها.... يمضي الحب الأعمى... يقوده الجنون

ـــــــــــــــــــــــــــــــــــــــــــــــــــ

للامانه.. الموضوع منقول من بلوج جولدن انجيل http://goldenangel2010.blogspot.com/

الامتحانات

نظري وشفوي وورقتين عملي

..وكتاب عويل..طويل..يجيب أجلي

..بأة بعد ماكنت أزاكر لجل إمتياز

..تصير مقبول منتهي أملي..؟؟

نقلا عن مدونه ابص (لينك المدونه فى السايد بار) .. للتعبير عن الحاله العامه للامتحانات

FRIENDS FOREVER

دول اصحابى..بمعنى اصح شله عمرى ..اكتر من اخواتى

من اليمين

عاطف : دون جوان الشله

محمد : عبيط الشله

عمر : واسطه الشله

وانا اللى كنت بصور
•·.·´¯`·.·• (-----------) •·.·´¯`·.·•

So no one told you life was gonna be this way

Your job's a joke

You're broke

Your lovelife's D.O.A.

It's like you're always stuck in second gear

When it hasn't been your day,

your week, your month, or even your year

BUT

....

I'LL BE THERE FOR YOU

WHEN THE RAIN STARTS TO POUR

I'LL BE THERE FOR YOU

LIKE I'VE BEEN THERE BEFORE

I'LL BE THERE FOR YOU

'CAUSE YOU'RE THERE FOR ME TOO

Don't Be Sad !!

Don’t be sad for what you’ve missed

Life is just an endless test

You can’t always get what you want

Just search for your peace of mind

Satisfy with what you find

But..Don’t let the curtins fall..

Or the wind take it all

اسحبلك كارت.. الكلام بفلوس... ومواضيع اخرى

سلامو عليكووووووو
بدات حاله الطوارئ القصوى المسماه قديما بالامتحانات..الحمد لله خلصنا كوميونيتى اخيرا..وهنخش ع الرمد اهو.. وربنا ييستر

عجبنى اوى النظام الجديد فى الشفوى.. تخش للدكتور وتسحب كارت من مجموعه كروت قدامه.. وتجاوب الاسئله الموجوده فيه..ابتكار يا جماعه

مع طب الزقازيق.. ابداع بلا حدود

انا حاسس انه شويه وهنمعلها بلاك جاك.. وبصره يا دكتور.. ولو جالك كارت صعب شويه.. يقش بقيت الكروت

المفروض كمان كام سنه نعمل الشفوى بالفيديو كول .. والدقيقه بنص التمن..او مثلا ابعت اس ام اس فيها كلمه اسئلنى شكرا.. والسوال يجيلك فى رساله.. ابعت اكتر تاخد درجات اكتر

طب الزقازيق.. مزايا الخط وممزيات الكارت

الكلام بقا بفلوووووووووووووووووس.. تخيلو.. اه والله الكلام بقا بفلوس

فى الفتره ما قبل دعك الكوميونيتى.. فرد من العيله نزل راح يسئل عن شويه حاجات فى التليفونات

تخيلو قالولو ايه.. روح الاول خد وصل استفسار ب 8 جنيه..قلنا مش مشكله

نفس البنى ادم راح للمعاشات ولقى ان فيه فلوس ناقصاله.. راح يسئل ليه..قاله الموظف مش هجاوب الا بعد ما تدفع وصل بجنيه..بناءا على التعليمات الجديده.. الاسئله عليها ضرايب..يعنى الكلام بقا بفلوس..

البيوت بقا عليها فلوس.. والكلام بقا بفلوس.. شويه شويه هيبقا الهوا بفلوس.. وعمار يا مصر

جالى تاج من الصديقه العزيزه جدا عزيزه دسوقى.. سورى.. قصدى منى من مدونه ماى هوب

كالاتى

1هواياتي

الكوره.. النت..العربياااااااااااااااااااااااااااات..والقرايه.. وتعلم المزيد فى الانجليزى

2اشهر عيوبي

تقريبا انا كلى عيوب.. بس اللى اعرفه انى ممكن اتعصب جامد..وانى كسلى شويه.. شويتين.. تلاته

3حاجات بكرها جدا

الفشل.. رغم انى فاشل.. وان اصحابى يخونو ثقتى فيهم لاى سبب..وكليه الطب

4حاجات بحبها قوي ومش بمل من تكرارها

انى اغلب اصحابى فى البلاى ستيشن.. متعه ما بعدها متعه..بحب اتفرج على برنامج توب جير

انا حفظت كل حلقاته تقريبا..

بحب القرايه جدا جدا

5سؤال بيستفزني

انت ليه شكلك كده.. انت هتصلع؟؟

واى سوال تانى ينم عن الغباء الغبى

هذا خلق الله.. ارونى ماذا خلق الذين من دونه

6امنيتي في الحياة

اعيش حياه سعيده حلوه.. اسافر برا و اعيش لفتره هناك انمى فيها شويه حاجات انا بحبها

وفيه حاجات طبعا تانيه.. بس خصوصيات

7حاجات مؤمن بيها جدا

ربنا ما بيضعش مجهود حد..

خيرها فى غيرها.. مش لازم الحاجه اللى معرفناش نحققها تكون هيا الخير لينا.. الله اعلم

8اكتر حاجة فاشل فيها

الكليه.. وحياتى عموما.. انا مش راضى عنها

9وظيفة بحبها

test driver

10 مثلي الاعلي في الحياة

طبعا اتمنى انى اقتدى بالرسول صلى الله عليه وسلم فى كل جوانب الحياه

وباخد اى حد ناجح كؤمشر لحياتى ونجاحى وفشلى

بهدي التاج

اللى عايزه ياخده.. انا هحوشه يعنى

بس ممكن نقول... فتافيت كلام

اهو اى كلام

تو بى ايه هيومان

ـــــ

مبرووووك ليكم..

مبروك لعطوف حبيبى هارتى وعمر باشا زميل الكفاح على انهم اتخرجو خلاص وبقم عاطلين اد الدنيا كلها

عاطف.. اتمنى ان مخك يكبر وتشيل مسئوليه حد تانى غير نفسك بس..

عمر.. خليك واسطتنا يلا وما تستندلش.

اما باقى الشله الفاسده.. فلا عزاء لهم.. كلنا فى الهوا سوا.. لسه طلاب .. وربنا يسترها علينا

الثانويه العامه

بس خلاص

البريزينتيشن بتااااااااااااااااااعى

الحمد لله... اخيرا وبعد عذاب شهر ونص وخناقات مالهاش اول من اخر.. خلصنا البريزينتشين بتاعنا(بتاع الكوميونيتى..الصحه العامه و طب المجتمع يعنى).. وعرضناه

كان المفروض عرضه يوم التلات 27 \ 5 بس للاسف الجهازين اللى كانو معانا باظو.. واحد علق .. والتانى محطش منطق.. شوفتو النحس ورئيسه القسم زعلت ومشيت.. وكانت ليله.. بس الحمد لله وافقت انها تدينا فرصه تانيه

وقدرنا بعون الله نعرضه يوم الخميس 29 \ 5 بعد امتحان الراوند

كانت فكرتنا اننا نعمل زى تقرير او بيان عن حرب بين القوات الطبيه المصريه والامراض والمشاكل الصحيه اللى كانت فى القريه اللى نزلناها.. اينعم التنفيذ كان ناقصه كتير.. زى اللبس و الاعداد الكويس.. بس احنا علمنا اللى نقدر عليه.. وكمان فكرتنا كانت جديده ومش محروقه ولا انعملت قبل كده.. كان ممكن نطلعها احسن من كده..بس وقتنا وامكانيتنا ما سمحتش الا بده.. بس الحمد لله انه نال اعجاب عدد كويس من زمايلنا.. وعجب دكتوره ساره المشرفه علينا

الحمد لله عجب ناس كتير.. هو اينعم مكنش بالجوده او الكوميديا اللى كانت فى بريزيتشين ابص باشا.. بس اهى حاجه على قدنا

انا رفعت التتر وشويه غلطات مشاهد(الميكينج يعنى) لما كنا بنصوروكمان شويه صورلينا من القريه العجيبه اللى مفيهاش بنى ادمين اللى نزلناها..ولما اعرف اجيب بقيت البتاع هبقا ارفعه ع البوست ده..

THE VILLAGE....

انا اللى على اليمين.. اللى لابس قميص ابيض مشجر

THE MAKING.....

ده انا.. القائد الميدانى للقوات الطبيه..خخخخخخخ

THE TITRE

وده بقا فيديو التتر اللى عملناه عشان يطلع فى اخر البريزينتشين بتاعنا.. فيه شويه غلطات مشاهد وحاجات تانيه صورناها مخصوص عشان التتر.. اتمنى انه يكون حلو

احب اشكر على قرقر باشا على مجهوده الكبير فى شغل الكمبيوتر.. الراجل عمل باور بوينت تحفه.. واشتغل كتير فى الفيديهوات قص وتحويل ولزق وحاجات كتير.. ويكفى انه مبدع التتر.. بس عيبك يا على انك يا راجل عصبتنا عشان تخلص الحاجه.. وبلاش والنبى جنون العظمه اللى راكب اهلك ده..اديك شفت جروب ابص بالهداوه خلصه شغلهم تمام..انت عملتلنا حدوته وذليت انفاسنا ولا ما يكون بيل جيتس اللى بيشتغل معانا..بس مايمنعش برضه انى اشكرك على شغلك الجبار ده.. واتمنالك التوفيق فى مشروعاتك كديزاينر محترف

كمان بشكر دكتوره ساره على تعبها معانا ومساندتها لينا .. بجد معرفش ازاى استحملتنا طول السنه سيمينار وراوند كمان..واحنا معروفين بالشقاوه والارهاب

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ع الهامش.. النهارده بدانا امتحانات الفاينل.. كان عندى امتحان عملى شرعى وسموم.. الحمد لله الامتحان كان حلو وحليت لووز.. رغم الغلطه العجيبه اللى عندى.. بس الحمد لله

ربنا يسترها معانا فى الباقى..هنبدا 15\6 نظرى كوميونيتى..وهنخلص امتحانات على يوم 1\8..دعاوتكو معانا